Hlutverk innheimtu hjá TR er að innheimta kröfur sem myndast vegna ofgreiddra bóta eða annarra greiðslna. Einkum er um að ræða kröfur sem myndast í kjölfar árlegs endurreiknings á tekjutengdum greiðslum.

Markmið

• Að gildi TR, samvinna, metnaður og traust, skuli ávallt höfð að leiðarljósi við framkvæmd innheimtu.
• Að innheimta sé í samræmi við lög, reglur og vandaða stjórnsýsluhætti. Gæta skal meðalhófs og jafnræðis.
• Að innheimtan sé bæði árangursrík og skilvirk.
• Að innheimtuárangur sé reglulega mældur.
• Að halda kostnaði við innheimtu í lágmarki.
• Að vísa þurfi fáum vanskilamálum til til Innheimtumiðstöðvar sýslumannsins á Blönduósi.
• Að ofgreiðslum fækki eins og kostur er.

Starfshættir

• Verkefni unnin af fagmennsku, lipurð og áreiðanleika. Metnaður til að viðhafa vandaða starfshætti og leita stöðugt leiða til að gera betur.
• Áhersla á að tryggja samræmt verklag við afgreiðslu mála. Í þeim tilgangi eru búnar til nákvæmar verklagsreglur og leiðbeiningar um starfsemi innheimtumála.
• Verkferlar eins skýrir og skilvirkir og kostur er.
• Leitað leiða til að viðskiptavinir hafi sem fjölbreyttasta möguleika á sjálfsafgreiðslu í gegnum Mínar síður á vef stofnunarinnar.
• Tillit tekið til greiðslugetu skuldara eftir því sem frekast er unnt og ávallt er boðið að semja um endurgreiðslu.
• Innheimtan sé mildileg og reynt að koma til móts við viðskiptavini með fjölbreyttum innheimtuleiðum og góðri upplýsingagjöf.
• Erindum og fyrirspurnum svarað á skýran og skjótan hátt.

Ábyrgð

• Forstjóri og framkvæmdaráð bera ábyrgð á innheimtustefnunni.
• Starfsmenn innheimtu á rekstrarsviði sem koma að innheimtumálum bera ábyrgð á að innheimtustefnu sé framfylgt.

_{Síðast uppfært 26.05.2021}