Vel hefur gengið að afgreiða umsóknir um örorkuskírteini, frá því að útgáfa plastkortanna hófst fyrir u.þ.b. mánuði síðan. Um 1800 umsóknir hafa borist og dágóður meirihluti þeirra barst á fyrstu tveimur vikunum.

Viðmiðið er að afgreiða umsóknir um útprentuð örorkuskírteini og póstleggja þau innan við viku frá því að umsókn berst. Kortin eru send á lögheimili viðkomandi.

Örorkuskírteini eru ætluð þeim einstaklingum sem eru með 75% örorkumat eða meira og er gildistíminn sá sami og örorkumatið.

Síðar á árinu er stefnt að því að gefa út stafræn örorkuskírteini til notkunar í snjallsímum.

Hlekkur inn á umsókn fyrir örorkuskírteinin