Greiðslur Tryggingastofnunar til viðskiptavina í maí námu um 14,4 milljörðum króna, þar af um 2,6 milljarðar vegna staðgreiðslu skatta. 

Fjöldi viðskiptavina TR sem fékk greiðslur í maí er 70.622 þar af konur 43.619 (62%) og karlar 27.000 (38%).

Fjölmennasti hópurinn sem fékk greitt í maí eru ellilífeyrisþegar 36.881, þar af konur 20.315 (55%) og karlar 16.566 (45%) en næst stærsti hópurinn eru örorkulífeyrisþegar 18.728 þar af konur 11.505 (61%) og karlar 7.220 (39%). Endurhæfingarlífeyrisþegar voru 3.147, þar af konur 2.015 (64%) og karlar 1.132 (36%).

Greiðslur TR í maí voru um 7,4 milljarðar kr. vegna ellilífeyris, um 5,1 milljarður vegna örorku, um 1 milljarður vegna endurhæfingar og aðrar greiðslur voru um 0,8 milljarðar.