Rúmlega 14,2 milljarðar greiddir í janúar

05. febrúar 2021

Greiðslur Tryggingastofnunar til viðskiptavina í janúar námu um 14,2 milljörðum króna, þar af um 2,8 milljarðar vegna staðgreiðslu skatta.

Fjöldi viðskiptavina TR sem fékk greiðslur í janúar er 70.051 þar af konur 43.395 (62%) og karlar 26.653 (38%).

Fjölmennasti hópurinn sem fékk greitt í janúar eru ellilífeyrisþegar 36.461, þar af konur 20.173 (55%) og karlar 16.288 (45%) en næst stærsti hópurinn eru örorkulífeyrisþegar 18.685 þar af konur 11.490 (62%) og karlar 7.193 (38%).

Greiðslur TR í janúar voru um 7,3 milljarðar kr. vegna ellilífeyris, um 5 milljarðar kr. vegna örorku, um 1 milljarð vegna endurhæfingar og aðrar greiðslur voru um 2 milljarðar.