Greiðslur Tryggingastofnunar til viðskiptavina í nóvember námu um 13,5 milljörðum króna, þar af um 2,6 milljarðar vegna staðgreiðslu skatta. Fjöldi viðskiptavina TR sem fékk greiðslur í nóvember er 69.604 þar af konur 43.187 (62%) og karlar 26.417 (38%). Fjölmennasti hópurinn sem fékk greitt í nóvember eru ellilífeyrisþegar 36.149, þar af konur 20.046 (55%) og karlar 16.103 (45%) en næst stærsti hópurinn eru örorkulífeyrisþegar 18.579 þar af konur 11.452 (62%) og karlar 7.127 (38%). Greiðslur TR í nóvember voru um 7 milljarðar kr. vegna ellilífeyris, um 4,8 milljarðar kr. vegna örorku og aðrar greiðslur voru um 1,7 milljarðar.