Rúmlega 13,5 milljarðar greiddir í október

03. nóvember 2020

Greiðslur Tryggingastofnunar til viðskiptavina í október námu um 13,5 milljörðum króna, þar af um 2,6 milljarðar vegna staðgreiðslu skatta. Fjöldi viðskiptavina TR sem fékk greiðslur í október er 69.334 þar af konur 43.047 (62%) og karlar 26.287 (38%).

Fjölmennasti hópurinn sem fékk greitt í október eru ellilífeyrisþegar 36.078, þar af konur 20.013 (55%) og karlar 16.065 (45%) en næst stærsti hópurinn eru örorkulífeyrisþegar 18.552 þar af konur 11.432 (62%) og karlar 7.120 (38%).

Greiðslur TR í október voru um 7 milljarðar kr. vegna ellilífeyris, um 4,8 milljarðar kr. vegna örorku og aðrar greiðslur voru um 1,7 milljarðar.