Greiðslur Tryggingastofnunar til viðskiptavina í júlí námu um 13,8 milljörðum króna, þar af um 2,8 milljarðar vegna staðgreiðslu skatta. Fjöldi viðskiptavina TR sem fékk greiðslur í júlí er 65.927 þar af konur 40.985 (62%) og karlar 24.942 (38%).

Fjölmennasti hópurinn sem fékk greitt í júlí eru ellilífeyrisþegar 32.071, þar af konur 17.821 (56%) og karlar 14.250 (44%) en næst stærsti hópurinn eru örorkulífeyrisþegar 18.534 þar af konur 11.379 (61%) og karlar 7.155 (39%).

Greiðslur TR í júlí voru um 7 milljarðar kr. vegna ellilífeyris, tæpir 5,2 milljarðar kr. vegna örorku og aðrar greiðslur voru tæpir 1,7 milljarður kr.