Tæplega 18 milljarðar greiddir í júní

06. júlí 2020

Greiðslur Tryggingastofnunar til viðskiptavina í júní námu um 17,8 milljörðum króna, þar af um 4 milljarðar vegna staðgreiðslu skatta.  Fjöldi viðskiptavina TR sem fékk greiðslur í júní er 72.238 þar af konur 44.603 (62%) og karlar 27.635 (38%).


Fjölmennasti hópurinn sem fékk greitt í júní eru ellilífeyrisþegar 37.166, þar af konur 20.556 (56%) og karlar 16.610 (44%) en næst stærsti hópurinn eru örorkulífeyrisþegar 18.925 þar af konur 11.546 (61%) og karlar 7.379 (39%).


Greiðslur TR í júní voru um 9,9 milljarðar kr. vegna ellilífeyris, tæpir 6,2 milljarðar kr. vegna örorku og aðrar greiðslur voru rúmir 1,8 milljarður kr.

Ástæðan fyrir auknum greiðslum á milli mánaðanna maí og júní er sú að inneignir sem verða til við uppgjör eru greiddar út í júní.