Greiðslur Tryggingastofnunar til viðskiptavina í febrúar námu um 13,3 milljörðum króna, þar af um 2,6 milljarðar vegna staðgreiðslu skatta.  Fjöldi viðskiptavina TR sem fékk greiðslur í febrúar er 68.463 þar af konur 42.649 (62%) og karlar 25.814 (38%). Fjölmennasti hópur viðskiptavina TR sem fengu greiðslur í febrúar eru ellilífeyrisþegar 35.226 þar af konur 19.593 (56%) og karlar 15.633 (44%) en næst stærsti hópurinn eru örorkulífeyrisþegar 18.622 þar af konur 11.398 (61%) og karlar 7.224 (39%).

Greiðslur TR í janúar voru tæpir 7 milljarðar kr. vegna ellilífeyris, um 4,7 milljarðar kr. vegna örorku og aðrar greiðslur voru um 1,5 milljarður kr.