Mæðra- eða feðralaun

Greiðslur vegna barna til þeirra sem eru á endurhæfingarlífeyri   eru mæðra- eða feðralaun og barnalífeyrir.

Hverjir eiga rétt á mæðra og feðralaunum?

Mæðra- og feðralaun eru greiðslur sem einstæðir foreldrar búsettir á Íslandi geta fengið ef þau hafa á framfæri 2 börn eða fleiri sem eru undir 18 ára.

Fjárhæðir í gildi frá 1. janúar 2018:

  • Með 2 börnum er greitt 9.602 kr. á mánuði eða 115.224 kr.  á ári.
  • Með 3 börnum eða fleiri er greitt 24.965 kr. á mánuði eða 299.580 
    kr. á ári. 

Hvenær falla mæðra-/feðralaun niður?

  • Sambúð með öðrum aðila en foreldri barns hefur varað í eitt ár.
  • Tekin er upp sambúð með foreldri barnanna eða fyrrverandi sambýlisaðila.
  • Sambúðarfólk eignist barn saman, þó að sambúðin hafi ekki varað í eitt ár.
  • Viðtakandi greiðslna gengur í hjónaband.
  • Viðtakandi greiðslna flytur úr landi.
  • Foreldrar hafa sama lögheimili

Hvernig sæki ég um mæðralaun/feðralaun?

Fylgigögn:
  • Skila þarf ljósriti af skilnaðarleyfi/sambúðarslitavottorði, sé um það að ræða, eða ljósriti af úrskurðum meðlags.
  • Ef fólk gerir samkomulag milli sín um meðlag, og það ekki greitt í gegnum TR, þarf meðlagsúrskurð frá sýslumanni.
  • Ef umsækjandi er einstæður vegna andláts maka er sótt um mæðra/feðralaun á sama tíma og dánarbætur og þá án fylgigagna, þ.e. ef börn umsækjanda eru börn hins látna.
  • Staðfesting á forsjárbreytingu þarf að koma inn ef umsækjandi hefur ekki verið áður með forsjá barns.
  • Ef umsækjandi er maki refsifanga og vist hans varað lengur en 3 mánuði þarf staðfestingu fangelsismálayfirvalda á refsivistartíma.
  • Ef umsækjandi á maka sem dvelur í langtímavistun á sjúkrastofnun þarf engum fylgigögnum að skila.

Eru mæðra/feðralaun skattskyld eða tekjutengd?

Mæðra/feðralaun eru skattskyld en ekki tekjutengd.


Síða yfirfarin/breytt 05.01.2018



Til baka

Endurhæfing

Var efnið hjálplegt? Nei










Þetta vefsvæði byggir á Eplica