Til að eiga rétt á heimilisuppbót verður lífeyrisþegi að vera einhleypur og búa einn eða með börnum sínum undir 18 ára aldri. Undantekning er á þessu en mögulegt er að fá heimilisuppbót ef ungmenni á aldrinum 18-25 ára sem er í námi eða starfsþjálfun býr á heimilinu. Skila þarf inn skólavottorði fyrir ungmennið með umsókninni. Einnig er heimilt að greiða heimilisuppbót til lífeyrisþega ef maki dvelur á stofnun fyrir aldraða. 

Heimilisuppbótin fellur niður ef:

• Viðkomandi býr ekki lengur einn (fyrir utan börn undir 18 ára eða börn á aldrinum 18-25 ára í námi/starfsþjálfun)
• Flutt er úr landi
• Flutt er í annað húsnæði en þá þarf að sækja um aftur
• Leigusamningur rennur út en þá þarf að sækja um aftur og skila afriti af nýjum leigusamning
• Ef heildartekjur fara yfir viðmiðunarmörk
• Ef tekjutrygging lífeyrisþega fellur niður

Ekki er réttur á heimilisuppbót ef lífeyrisþegi:

• Nýtur fjárhagslegs hagræðis af því að hafa sameiginlega aðstöðu varðandi fæði eða húsnæði, t.d. sambýli á vegum félagasamtaka, ríkis og sveitarfélaga
• Nýtur fjárhagslegs hagræðis af sambýli við aðra aðila um húsnæðisaðstöðu eða fæðiskostnað, nema heimilismaður sé á aldrinum 18-25 ára og er í námi eða starfsþjálfun, þá telst umsækjandi ekki hafa fjárhagslegt hagræði af sambýli eða samlögum við hann
• Nýtur fjárhagslegs hagræðis af því að leigja herbergi eða húsnæði með sameiginlegri eldunaraðstöðu með öðrum, nema heimilismaður sé á aldrinum 18-25 ára og er í námi eða starfsþjálfun, þá telst umsækjandi ekki hafa fjárhagslegt hagræði af sambýli eða samlögum við hann

Skila þarf inn afriti af húsaleigusamningi ef umsækjandi býr í leiguhúsnæði.