Stefnur og markmið

Gildin

TRAUST – Að vera fagleg og áreiðanleg í störfum okkar.

SAMVINNA – Að vinna saman að því að mæta ólíkum þörfum viðskiptavina.

METNAÐUR– Að sýna frumkvæði, og beina kröftum okkar og þekkingu að því að gera sífellt betur.

Framtíðarsýn

Að vera framsækin þjónustustofnun sem gegnir lykilhlutverki í velferðarkerfi Íslands.

Í því felst:

• Persónuleg og rafræn þjónusta.
• Hagkvæm og skilvirk stofnun.
• Virt stofnun sem hlúir að mannauði sínum.

Stefna

•  Að veita viðskiptavinum okkar góða þjónustu og mæta ólíkum þörfum þeirra.
• Að auka rafræna þjónustu og málsmeðferð.
• Að sýna frumkvæði og efla umræðu um almannatryggingar til að þróa velferðarkerfið og skilvirkni þess, í samvinnu við hagsmunaaðila.
• Að rekstur stofnunarinnar sé innan fjárheimilda.
• Að vera stjórnvöldum faglegur ráðgefandi um almannatryggingar og veita hagnýtar upplýs­ingar.
• Að vera eftirsóttur vinnustaður með gildin okkar, traust, samvinnu og metnað að leiðarljósi.

Stefnuskjöl

• Siðareglur

Markmið siðareglna er að stuðla að heiðarleika, réttsýni og sanngirni starfsmanna gagnvart hverjum öðrum og viðskiptavinum.

• Samskipta- og umgengnisreglur

 Með samskipta- og umgengisreglum er sameinast um að láta vinnuna ganga vel og skapa góðan vinnufrið svo starfsmönnum líði vel á vinnustaðnum. Erum einhuga um góða samvinnu, sýnum alúð og tillitsemi í vinnubrögðum.

• Starfsreglur

Starfsreglur eru almennar reglur stofnunarinnar auk reglna um góða starfshætti.

• Mannauðsstefna

Með mannauðsstefnu sinni vill Tryggingastofnun byggja upp traust, samvinnu og metnað jafnt fyrir starfsmenn sem og viðskiptavini Tryggingastofnunar.

• Jafnréttisáætlun

Markmið jafnréttisáætlunar er að leitast við að þátttaka og áhrif beggja kynja sé sem jöfnust í starfseminni og að jafnt tillit sé tekið til sjónarmiða og þarfa starfsmanna óháð kyni.

• Gæða- og upplýsingaöryggisstefna
  

  Markmið gæða- og upplýsingaöryggisstefnu er að veita réttar upplýsingar og tryggja fullnægjandi ráðgjöf um starfsemi Tryggingastofnunar og almannatryggingakerfið til þess að viðskiptavinir njóti réttinda sinna og fái þjónustu á grundvelli laga og reglugerða.