Reiknivél lífeyris

Leiðbeiningar um áætlaðar greiðslur

Reiknivélinni er ætlað að bæta þjónustu við viðskiptavini Tryggingastofnunar og reikna út áætlaðar greiðslur frá stofnuninni miðað við innslegnar forsendur. Hægt er að velja um að setja upphæðir inn á árs- eða mánaðargrundvelli.

Smelltu  á myndina til að fara á reiknivél lífeyris.

Vinsamlegast athugið að reiknivélin gefur ekki bindandi niðurstöður og er einungis til leiðbeiningar um hugsanlegar greiðslur.

Ef þú ert lífeyrisþegi getur þú einnig notað þitt svæði á tryggur.is til að fá yfirlit yfir áætlaðar greiðslur.

Athugið:

 Í útreikningi ekki tekið tillit til frítekjumarks fjármagnstekna hjá skattinum. Ástæðurnar eru nokkrar og þær helstu eru eftirfarandi:

• Frítekjumörk á fjármagnstekjur eru mismunandi eftir eðli fjármagnstekna. Þannig er 100.000 króna frítekjumark á vaxtatekjur á mann á ári, en 30% vegna leigutekna manna af íbúðarhúsnæði. Frítekjumark gildir ekki um arð, söluhagnað og leigutekjur af öðru en íbúðarhúsnæði.

• Fjármagnstekjuskattur er staðgreiddur af öllum staðgreiðsluskyldum fjármagnstekjum, en endurreiknaður við álagningu og endurgreiddur af skattinum þar sem það á við.

Tekið skal fram að frítekjumörk fjármagnstekna hjá skattinum hafa ekki áhrif við útreikning lífeyris og bóta hjá Tryggingastofnun. Þar gildir 98.640 kr. frítekjumark á mann á ári sem dregið er af heildarfjármagnstekjum fyrir skatt.

Með upphæðum fyrir janúar - desember 2012

Breytingar sem urðu í janúar 2012:

• Bætur hækkuðu um 3,5 %
  

Með upphæðum fyrir júní - desember 2011

Breytingar sem urðu í júní 2011:

Eftirtaldir bótaflokkar hækka um 8,1%:

• Elli-, örorku- og endurhæfingarlífeyrir.
• Tekjutrygging.
• Heimilisuppbót.
• Aldurstengd örorkuuppbót.
• Barnalífeyrir.
• Meðlag.
• Mæðra- og feðralaun.
• Uppbót vegna reksturs bifreiðar.

Enn fremur er viðmiðið á útreikningum framfærsluuppbótar hækkað um 12.000 kr. þannig að lágmarkstrygging fyrir þá sem búa einir verður 196.140 kr. og 169.030 kr. fyrir þá sem eru í sambúð.

Jafnframt er gerð sú breyting frá og með 1. júní síðastliðnum verður ekki tekið tillit til uppbótar vegna reksturs bifreiðar (bensínstyrkur) við útreikning framfærsluuppbótar.

Orlofsuppbót verður 28,3% af tekjutryggingu og heimilisuppbót í stað 20%.

Desemberuppbót verður 42% af tekjutryggingu og heimilisuppbót í stað 30%.

Með upphæðum fyrir janúar- maí 2011 

Breyting sem varð í janúar  2011:

• Viðmiðunarfjárhæðir sérstakrar uppbótar vegna framfærslu hækka annars vegar úr 180.000 kr. í 184.140 kr. fyrir þá sem búa einir og 153.500 kr. í 157.030 kr. fyrir þá sem eru í sambúð.
  

Einnig er hægt að fá leiðbeiningar um lífeyrisréttindi miðað við eldri tímabil:

Reiknivél • með upplýsingum fyrir janúar-desember 2010

Reiknivél • með upplýsingum fyrir júlí - desember 2009

Breytingar 1. júlí 2009

• Lækkun á frítekjumarki vegna atvinnutekna ellilífeyrisþega við útreikninga tekjutryggingar (lækkun úr 1.315.200 kr. á ári í 480.000 kr.)
• Afnám heimildar til að velja á milli frítekjumarks og þess að telja 60% af atvinnutekjum til tekna við útreikning tekjutryggingar
• Lífeyrissjóðstekjur skerða grunnlífeyri
• Aldurstengd örorkuuppbót skerðist vegna tekna (aldurstengd örorkuuppbót mun skerðast með sama hætti og örorkulífeyrir, þ.e. með sama frítekjumarki, sama skerðingarhlutfalli og vegna sömu tekna.)
• Skerðingarhlutfall tekjutryggingar hækkar í 45%
• Sérstakt frítekjumark vegna lífeyrissjóðstekna ellilífeyrisþega við útreikning tekjutryggingar (sem nemur 10.000 kr. á mánuði.)

Reiknivél • með upplýsingum fyrir janúar - júní 2009

• Bætur almannatrygginga hækka um 9,6%   
• Frítekjumörk hækka um 9,6% 
•  Lágmarksframfærsluviðmiðið hækkar um 20%.
•  Samanburður við eldri reglur lagður af nema gagnvart vistunarframlagi.
• Vægi fjármagnstekna varð 100% í stað 50% áður
  

• Frítekjumark atvinnutekna fyrir 70 ára og eldri lækkaði í sama frítekjumark og hjá þeim sem eru 67-70 ára.
  

Reiknivél • með upplýsingum fyrir september - desember 2008

• Sérstök uppbót til framfærslu lífeyrisþega. Einstaklingur með heimilisuppbót er tryggður 150.000 kr. lágmarkslífeyrir. Einstaklingur sem er án heimilisuppbótar er tryggður 128.000 kr. lágmarkslífeyrir.

Reiknivél • með upphæðum fyrir júlí - ágúst 2008

Sem gildir vegna breytinga frá 1. júlí 2008:

• Frítekjumark vegna atvinnutekna ellilífeyrisþega 67-70 ára hækkar í 1.200.000 kr. á ári.
• Frítekjumark atvinnutekna örorkulífeyrisþega hækkar einnig í 100.000 kr. á mánuði tímabundið til áramóta 2008/2009.
• Aldurstengd örorkuuppbót hækkar.
• Frítekjumark vegna lífeyrissjóðstekna örorkulífeyrisþega verður 300.000 kr. á ári.

Reiknivél • með upphæðum fyrir apríl - júní 2008

Sem gildir vegna breytinga frá 1. apríl 2008:

• Afnám tekjutengingar maka
• Lækkun skerðingarhlutfalls tekjutengingar ellilífeyris úr 30% í 25 %.

Þar sem tekjur maka hafa ekki áhrif frá 1. apríl, þarf ekki upplýsingar um tekjur maka nema hjá þeim lífeyrisþegum sem eiga maka sem er með lægri tekjur en lífeyrisþegi. Tölvukerfi TR velur alltaf sjálfkrafa hagkvæmari kostinn, þannig að lífeyrisgreiðslur lækka ekki 1. apríl 2008 út af þeim lagabreytingum sem urðu þá.

Aftur á móti þarf að gera ráð fyrir fjármagnstekjum beggja þegar um sambúðarfólk eða hjón eru að ræða.

Reiknivél • með upphæðum fyrir febrúar - mars 2008

Sem gildir vegna breytinga frá 1. febrúar 2008:

• 4% hækkun lífeyris hjá öryrkjum og ellilífeyrisþegum

Reiknivél • með upphæðum fyrir janúar 2008

Sem gildir vegna breytinga frá 1. janúar 2008:

• 90.000 kr. frítekjumarks á fjármagnstekjur.
• 3,3% hækkunnar lífeyris hjá öryrkjum og ellililífeyrisþegum frá 1. janúar 2008.

Reiknivél • með upphæðum fyrir árið 2007

Ath. Tekið er mið af öllum breytingum í nýjustu reiknivél sem gildir frá júlí - desember 2009

• Þeir sem eru lífeyrisþegar hjá Tryggingastofnun geta fengið yfirlit yfir áætlaðar greiðslur á Tryggur-mínar síður.