Tryggingastofnun
Fréttir

17.5.2017

Orlofs- og desemberuppbót til lífeyrisþega

Félags- og jafnréttismálaráðherra hefur undirritað reglugerð um eingreiðslur til lífeyrisþega árið 2017.
Óskert orlofsuppbót örorku- og endurhæfingarlífeyrisþega sem greiðist í júlí verður 35.415. kr. og desemberuppbótin 53.123 kr. Sambærilegar uppbætur til ellilífeyrisþega verða óskertar 34.500 kr. í júlí og 51.750 kr. í desember.

Til þessa hafa reglur um útreikning og fjárhæðir orlofs- og desemberuppbótar verið þær sömu fyrir örorku- og endurhæfingarlífeyrisþega og ellilífeyrisþega. Vegna breytinga sem gerðar voru á bótakerfi ellilífeyrisþega,samkvæmt lögum sem tóku gildi um síðustu áramót, var ekki lengur unnt að láta sömu reglur gilda um viðmið og útreikninga. Engar breytingar verða hvað varðar orlofs- og desemberuppbætur til örorku- og endurhæfingarlífeyrisþega, en með reglugerðinni sem hér fylgir er kveðið á um nýjar reglur og viðmið vegna útreikninga á uppbótum til ellilífeyrisþega.

 Örorku – og endurhæfingarlífeyrisþegar:

  • Orlofsuppbót nemur 20% af fjárhæð tekjutryggingar og heimilisuppbótar lífeyrisþega.
  • Desemberuppbót nemur 30% af af fjárhæð tekjutryggingar og heimilisuppbótar lífeyrisþega.

 Ellilífeyrisþega:

  • Eingreiðslur ellilífeyrisþega verða föst fjárhæð, 86.250 kr.  sem greiðist í tvennu lagi, þ.e. 40% í júlí og 60% í desember, óháð því hvort viðkomandi býr einn eða með öðrum.
  • Fjárhæð eingreiðslunnar lækkar um 2% vegna tekna ellilífeyrisþega og verður án frítekjumarks.
  • Ef tekjuforsendur breytast hjá ellilífeyrisþega eftir greiðslu orlofsuppbótar í júlí er leiðrétt fyrir því við greiðslu desemberuppbótarinnar til samræmis við það hvort um of- eða vangreiðslu er að ræða.

 

Til baka