Mínar síður
Rafræn þjónusta Tryggingastofnunar
Rafræn þjónusta Tryggingastofnunar, Mínar síður, var opnuð haustið 2008. Til framtíðar er stefnt að því að öll þjónusta Tryggingastofnunar verði í boði rafrænt fyrir þá sem þess óska.
Að lokinni innskráningu er hægt að skoða ýmis rafræn skjöl eins og greiðsluáætlun, greiðsluskjöl og fleira frá Tryggingastofnun og samstarfsstofnunum hennar, Sjúkratryggingum Íslands og Vinnumálastofnun. Eins er mögulegt að skoða og breyta tekjuáætlun, fá bráðabirgðaútreikning lífeyris og fleira.
Rafrænar umsóknir á Mínum síðum
Fyrstu umsóknirnar sem hægt er að sækja um rafrænt af Mínum síðum eru komnar inn. Það eru umsóknir um barnalífeyri vegna náms eða starfsþjálfunar, framlengdan barnalífeyri, dánarbætur og framlengdar dánarbætur.
Umsækjandi þarf að færa inn upplýsingar í þar til gerð form og staðfesta umsókn. Eftir að umsókn hefur verið send vistast hún sem rafrænt skjal þannig að alltaf verður hægt að nálgast hana.
Til að komast á Mínar síður þarf að nota veflykil ríkisskattstjóra eða rafræn debetkort. Umsóknir eru tengdar við kennitölu þess sem skráir sig inn, þannig einungis er hægt að sækja um réttindi sem hann hugsanlega á. Ef viðkomandi vill sækja um fyrir annan t.d. systkini, föður eða móður er bent á að auðvelt er að veita öðrum aðila umboð til að sinna málum á Mínum síðum.
Ert þú að aðstoða lífeyrisþega?
Hægt er að útnefna umboðsmann til að sinna málum sínum á Mínar síður. Umboðsmaður tengist með sinni kennitölu og sínum veflykli. Sami umboðsmaður getur sinnt málum fleiri en eins viðskiptavinar, og eins getur viðskiptavinur haft fleiri en einn umboðsmann.
Sá möguleiki er fyrir hendi að veita slíkt umboð á pappír þannig að ekki þarf að tengjast vefnum sjálfur frekar en þú vilt.
Hér eftirfarandi eru leiðbeiningar á íslensku og ensku, um hvernig þeir sem eru búsettir erlendis geta fengið veflykla:
Veflyklar - leiðbeiningar fyrir þá sem búa utan Íslands
Síða yfirfarin/breytt 25.01.2013