Hvernig er sótt um menntunarbarnalífeyri?

Ungmenni sækir sjálft um á eyðublaðinu: Umsókn um framlag vegna náms og barnalífeyrir vegna náms og skilar til þjónustumiðstöðvar Tryggingastofnunar, Laugavegi 114, eða umboðum hennar.

Með umsókn þarf að fylgja:

• Staðfesting á skólavist og einingafjölda náms.
• Skila þarf inn staðfestu ljósriti af skattframtali.
• Þegar sótt er um framhald þarf að skila inn námsframvindu frá síðustu önn, einingafjöldi og mætingar ásamt einingafjölda fyrir næstu önn. Ekki þarf að sækja um aftur með umsókn.
• Skilyrði er að einstaklingar séu í fullu námi, en hægt er að sækja um undanþágu vegna einstakra tilfella ef staðfesting frá námsráðgjafa eða annarra starfsmanna skóla er til staðar.

Barnalífeyrir vegna náms eða starfsþjálfunar fellur niður:

• þegar viðkomandi uppfyllir ekki lengur skilyrði um skólagöngu.
• ef ungmennið verður örorkulífeyrisþegi
• ef ungmennið flytur úr landi. ef foreldri er ekki lengur örorkulífeyrisþegi
• ef tekjur eru yfir viðmiðunarmörkum

Skilyrði fyrir greiðslu:

Skilyrði er að skólavistin/starfsþjálfunin taki a.m.k. sex mánuði hvert ár. Ef um er að ræða óreglulegt nám eða námskeið er námstíminn reiknaður í kennslustundafjölda á almanaksárinu og telst þá sex mánaða nám samsvara 624 kennslustundum. Brot úr mánuði telst heill mánuður. Hægt er að fresta afgreiðslu menntunarbarnalífeyris þar til sex mánaða námstíma er náð.