Öryrkjar: Maka- og umönnunarbætur
Við sérstakar aðstæður er heimilt að greiða maka örorkulífeyrisþega makabætur. Einnig geta aðrir sem halda heimili með örorkulífeyrisþega átt rétt á umönnunarbótum sem nemur sömu upphæð og makabætur. Upphæð þeirra getur verið allt 80% af grunnlífeyri og tekjutryggingu almannatrygginga.
Sótt er um maka- og umönnunarbætur á þessu umsóknareyðublaði „Maka- og umönnunarbætur"
Skilyrði fyrir greiðslu maka- eða umönnunarbóta:
- Sameiginlegt lögheimili.
- Sýna þarf fram á tekjutap eða tekjuleysi.
- Læknisvottorð þarf að fylgja umsókn þar sem umönnunarþörf er tilgreind.
Maka- eða umönnunarbætur greiðast í sex mánuði í senn. Séu skilyrði fyrir hendi til áframhaldandi greiðslna þarf umsækjandi að skila inn viðeigandi gögnum til Tryggingastofnunar ríkisins.
Þegar lífeyrisgreiðslur almannatrygginga falla niður vegna sjúkrahúsvistar er heimilt að greiða maka- eða umönnunarbætur í tvo mánuði til viðbótar.
Greiðslur maka- eða umönnunarbóta fara ekki saman með frekari uppbót á lífeyri vegna mikils umönnunarkostnaðar.