Heimilisuppbót
Heimilisuppbót
Skilyrði er að umsækjandi njóti ekki fjárhagslegs hagræðis af sambýli við aðra um húsnæðisaðstöðu.
Hvernig er sótt um heimilisuppbót?
Sótt er um heimilisuppbót í þjónustumiðstöð Tryggingastofnunar að Laugavegi 114, Reykjavík eða hjá umboðum utan Reykjavíkur. Fyllt er út í viðeigandi reiti á eyðublaði eftir því hvort viðkomandi er á örorku- eða ellilífeyri.
Ef lífeyrisþegi er ekki í eigin húsnæði þarf hann að skila inn húsaleigusamningi.
Skerðing á heimilisuppbót
Heimilisuppbót skerðist á sama hátt og tekjutrygging eða vegna:
- Búsetu á sama hátt og lífeyrir.
- Tekna. Skattskyldar tekjur yfir frítekjumarki skerða tekjutryggingu um 38,35% þeirra tekna sem umfram eru. Helst er um að ræða í þessu samhengi launatekjur, lífeyrissjóðstekjur og fjármagnstekjur.
Heimilisuppbót fellur niður:
- Þegar viðkomandi býr ekki lengur einn.
- Þegar tekjutrygging lífeyrisþega fellur niður.
- Þegar viðkomandi flytur úr landi.
- Þegar viðkomandi skiptir um húsnæði.
Síða yfirfarin/breytt 21.05.2013