Áramót – Græna umslagið

Græna umslagið er sent til lífeyrirsþega um hver áramót. í því er tekjuáætlun fyrir árið og greiðsluáætlun sem miðast við upplýsingarnar í tillögunni.

• Tillaga að tekjuáætluner byggð á fyrirliggjandi upplýsingum um tekjur liðins árs skv. staðgreiðsluskrá ríkisskattstjóra eða þeirri tekjuáætlun sem lífeyrisþegar hafa sjálfir skilað til að tilkynna um breyttar aðstæður. Lífeyrisþegar bera ábyrgð á að yfirfara tillöguna sem kemur frá Tryggingastofnun og leiðrétta ef þeir telja ástæðu til. Hægt er að leiðrétta tekjuáætlun oft á ári.
• Staðgreiðsluskrá ríkisskattstjóra: Veitir upplýsingar um staðgreiðsluskyldar tekjur, s.s. launatekjur, lífeyrissjóðstekjur, lífeyri og tengdar bætur, styrki og reiknað endurgjald. Tryggingastofnun fær upplýsingar um tekjur lífeyrisþega úr staðgreiðsluskránni og getur unnið tillögur að tekjuáætlunum út frá því. Staðgreiðsluskráin veitir hins vegar ekki upplýsingar um allar skattskyldar tekjur eins og t.d. fjármagnstekjur.
• Greiðsluáætlun byggir á upplýsingunum sem koma fram í tillögu að tekjuáætlun. Þar kemur fram, sundurliðað á mánuði og eftir greiðslutegundum, hvaða mánaðargreiðslur lífeyrisþegar eiga von á að fá miðað við óbreytta tekjuáætlun. Ef lífeyrisþegar breyta tekjuáætlun fá þeir senda nýja greiðsluáætlun sem miðast við nýjar upplýsingar. Greiðsluáætlunina er gott að geyma á vísum stað. Mánaðarlegir seðlar með upplýsingum um greiðslur Tryggingastofnunar birtast á rafrænum þjónustusíðum á vefnum tr.is