Flutningur lífeyrisþega til Íslands
Lífeyrisþegar sem flytja hingað til lands halda lífeyrisréttindum í því landi sem flutt er frá og ávinna sér ekki frekari lífeyrisréttindi hér á landi.
Flutningur frá EES
Sá sem kemur frá EES-landi öðru en Norðurlöndunum og hefur E 121 vottorð er áfram tryggður í sínu heimalandi og safnar ekki lífeyrisréttindum hérlendis.
Viðkomandi á hins vegar rétt á allri þjónustu hér á landi sem íslenskir lífeyrisþegar njóta svo sem læknisaðstoð.
Maki og börn njóta sömu réttinda svo framarlega sem maki er ekki á vinnumarkaði og þar af leiðandi tryggður hér á landi.
E 121 er skráningarvottorð lífeyrisþega og sjúkratryggingavottorð fyrir þá sem eru lífeyrisþegar í öðru EES landi en taka upp búsetu á Íslandi.
Flutningur frá Norðurlöndum
Það gildir það sama um þá sem koma frá Norðurlöndunum og þá sem koma frá EES-svæðinu. Þeir safna ekki lífeyri hér á landi en eiga þó rétt á allri sömu þjónustu. Þeir þurfa ekki að framvísa vottorði E 121 þar sem Norðurlöndin krefjast þess ekki. En samt sem áður verður viðkomandi að sína fram á að hann/hún sé örorkulífeyrirsþegi.
Flutningur frá löndum utan EES
Engar sérreglur gilda um lífeyrisþega sem flytja til Íslands frá löndum utan EES-svæðisins.