Flutningur til Íslands vegna atvinnu

Við flutning til Íslands þarf að tilkynna flutning lögheimilis til Þjóðskrár samkvæmt reglum þar um.

Flutt frá Norðurlöndum

Þegar flutt er til Íslands frá Norðurlöndum er hægt að sækja um undanþágu frá því að skila inn E104 vottorði ef búseta þar var skemmri en eitt ár.

Flutt frá EES-landi öðrum en Norðurlöndum

Um leið og vottorði E-104 hefur verið skilað til Tryggingastofnunar er það fært í tryggingaskrá og telst viðkomandi þá hafa rétt til almannatrygginga, að því gefnu að búsetutímabil í öðru EES-ríki sem flutt er frá séu viðurkennd. Það þarf að vera samfellt tryggingatímabil t.d. ef lögheimili er skráð 1. apríl þarf vottorðið að sýna tryggingatímabilið  fram að þeim tíma.

Flutt frá löndum utan EES-svæðisins

Ef flutt er frá löndum utan EES-svæðis er sex mánaða biðtími frá flutningi lögheimilis til að falla undir almannatryggingar hérlendis.

E 104 vottorðið

Vottorð fyrir þá sem flytja varanlega til Íslands og/eða byrja að vinna á Íslandi og koma öðru EES-landi.

• Vottorð um staðfestingu á tryggingar- og starfstímabilum í öðru EES landi
• Vottorð um söfnun tryggingar-, starfs- eða búsetutímabila.

• Um réttindi milli landa á vef Sjúkratrygginga Íslands
  

^{Síða yfirfarin/ breytt 14. 09. 2011}