Flutningur til Íslands

Allir sem eru búsettir hér á landi teljast tryggðir í almannatryggingum, að uppfylltum öðrum skilyrðum, misjafnt eftir bótaflokkum, nema annað leiði af milliríkjasamningum.

Búseta er þó ekki skilyrði fyrir tryggingavernd slysatrygginga. Með búsetu er átt við lögheimili í skilningi lögheimilislaga. Tryggingastofnun ákvarðar hvort einstaklingur telst tryggður í almannatryggingum hér á landi.

Tilkynna flutning búsetu

Þeir sem flytja til Íslands þurfa að tilkynna lögheimilisflutning til Þjóðskrár skv. reglum þar um.

Hvað þarf ég að gera? Skráning í Tryggingaskrá

Auk þess að skrá nýtt lögheimili hjá Þjóðskrá þarf að tilkynna sig til tryggingaskrár. Tryggingastofnun heldur sérstaka skrá yfir tryggingaréttindi einstaklinga til viðbótar við þjóðskrá. Skrá þessi nefnist tryggingaskrá. Skránni er ætlað að halda utan um þá sem eru teljast tryggðir hér á landi án þess að eiga hér lögheimili og hins vegar þá sem hér eiga lögheimili en eru þó ekki tryggðir.

Í tryggingaskrá eru m.a. skráðar eftirfarandi grunnupplýsingar: Nafn, kennitala, tryggingarland, tímabil tryggingar og grundvöllur skráningar.

Stofnunin á ennfremur að kanna hvort viðkomandi er tryggður, færa upplýsingar um tryggingaréttindi hans í tryggingaskrá og veita skriflegt svar um tryggingaréttindi og skírteini ef við á.

Tilkynningarblað liggur frammi í þjónustumiðstöð Tryggingastofnunar á Laugavegi 114, Reykjavík, umboðum á sýsluskrifstofum og á þeim stöðum þar sem tilkynningar aðsetursskipta fara fram.

Látið fylgja með, eftir því sem við á, eitt eða fleiri eftirtalinna fylgigagna frá tryggingastofnunum í öðru EES landi:

E-104	Vottorð um staðfestingu á tryggingar- og starfstímabilum í öðru EES landi. Vottorð um söfnun tryggingar-, starfs- eða búsetutímabila. Fyrir þá sem flytja varanlega til Íslands eða byrja að vinna á Íslandi.
E-101	Vottorð um það hvaða löggjöf gildi. Vottorð um hvaða löggjöf skuli gilda. Staðfesting á tryggingavernd erlendis, fyrir þá sem vinna (tímabundið) á Íslandi, en eru áfram tryggðir skv. tryggingarlöggjöf í öðru EES landi, t.d. útsendir starfsmenn frá EES landi.
E-106	Vottorð um rétt til aðstoðar vegna veikinda meðgöngu og fæðingar handa þeim sem búa í öðru landi en lögbæru landi. Sjúkratryggingavottorð fyrir þá sem taka upp búsetu á Íslandi en eru áfram skráðir hjá sjúkratryggingum í öðru EES landi.
E-109	Skráningarvottorð fyrir aðstandendur launþega eða sjálfstætt starfandi einstaklings. Sjúkratryggingavottorð fyrir þá sem taka upp búsetu á Íslandi en eru áfram skráðir hjá sjúkratryggingum í öðru EES landi, sem fjölskyldumeðlimir launþega eða lífeyrisþega.
E121	Skráningarvottorð lífeyrisþega. Sjúkratryggingavottorð fyrir þá sem eru lífeyrisþegar í öðru EES landi, en taka upp búsetu á Íslandi.

Tilkynna flutning búsetu

Hvað þarf ég að gera? Skráning í Tryggingaskrá

Þjónustuleiðir

Tryggingarstofnun: Forsíða

Tungumál

Flutningur á milli landa

Leita á vefnum

Almenn réttindi

Barnafjölskyldur

Öryrkjar

Aldraðir

Flutningur á milli landa

Tryggingastofnun

Útlit síðu: