Flutningur á milli landa

Vottorð um tryggingaland – PD A1 (E 101/N 101) og PD S1 (E 106) vottorð

Hvað er PD A1 (E101/N 101)?

PD A1 (E 101/N 101) er vottorð um löggjöf hvaða lands einstaklingur falli. Vottorðið er einungis notað á evrópska efnahagssvæðinu (EES svæðinu) og er sönnun þess að starfsmaður falli undir tryggingalöggjöf þess lands sem gefur út vottorðið meðan á starfstíma í öðru EES-landi stendur.

Vottorðið er einungis gefið út á launþega eða sjálfstætt starfandi einstakling. Maki og börn eru einnig tryggð í gegnum PD A1 (E 101/N 101) vottorðið svo framarlega sem maki er ekki í vinnu. Nafn maka og barna koma ekki fram á PD A1 (E 101/N 101) vottorðinu þó svo að þau falli undir trygginguna. Nöfn maka og barna eru hins vegar skráð í tryggingaskrá Tryggingastofnunar sem heldur utan um tryggingaréttindi viðkomandi starfsmanns.

Með því að framvísa PD A1 (E 101/N 101) í starfslandi þá er viðkomandi starfsmaður/sjálfstætt starfandi einstaklingur undanþeginn því að greiða tryggingagjald til starfslandsins. Vottorðið á að koma í veg fyrir tvígreiðslu gjalda með því að tryggingargjald sé einungis greitt í landinu þar sem einstaklingurinn er tryggður. PD A1 (E 101/N 101) vottorðið þarf að framvísa hjá skattayfirvöldum í viðkomandi starfslandi eða hjá þeim aðila sem annast innheimtu tryggingagjalda.

Hvað er PD S1 (E 106)?

PD S1 (E 106) er sjúkratryggingavottorð, sem er gefið út samhliða PD A1 (E 101/N 101) vottorði ef starfsmaður flytur fasta búsetu sína til Íslands frá EES/EFTA landi utan Norðurlandanna. Norðurlöndin eru undanskilin útgáfu PD S1 (E106) vegna þess að almennt fer ekki fram endurgreiðsla á sjúkrakostnaði á milli Norðurlandanna á grundvelli Norðurlandasamnings um almannatryggingar. Starfsmaðurinn verður að skrá sig og sína fjölskyldu hjá Sjúkratryggingum Íslands. 

Ef um skemmri tíma er að ræða þá getur viðkomandi einstaklingur/sjálfstætt starfandi notað evrópska sjúkratryggingakortið.

PD = Portable documents, vottorð afhent starfsmanni.

Síða yfirfarin/ breytt 31.08.2016

Til baka

Var efnið hjálplegt? Nei










Þetta vefsvæði byggir á Eplica