Meðlag
Meðlag greiðist að öllu jöfnu þar til barn nær 18 ára aldri. Við 18 ára aldur barns getur barnið sótt um framlag vegna menntunar.
Meðlag telst ekki til bóta almannatrygginga. Innheimtustofnun sveitafélaga sér um að innheimta greiðslur hjá meðlagsskyldu foreldri og endurgreiðir Tryggingastofnun.
Viðbótargreiðslur meðlags.
Hægt er að sækja um viðbótargreiðslur vegna sérstakra útgjalda svo sem vegna skírnar, fermingar, tannlækninga, eða af öðru sérstöku tilefni. Til að greiðslur geti hafist þarf að liggja fyrir úrskurður sýslumanns eða staðfestur samningur um greiðslurnar.
Sýslumaður getur einnig úrskurðað að föður barns beri að greiða móður þess framfærslueyri í þrjá mánuði í kringum fæðingu barnsins ef sérstaklega stendur á. Veikist móðirin vegna meðgöngu eða fæðingar má úrskurða að föður beri að greiða framfærslueyri í allt að níu mánuði.
Greiðsla meðlags við flutning til landsins.
Flytji umsækjandi meðlags til Íslands þarf hann að leggja fram með umsókn sinni staðfestingu um greiðslur í fyrra búsetulandi ásamt meðlagssamningi sem þær greiðslur byggðust á.
Frumrit úrskurðar/samnings þarf að fylgja með umsókn.