Greiðslur vegna ungmenna

Réttindi barna til greiðslna frá Tryggingastofnun lýkur oftast við 18 ára aldur. Á þessu eru þó undantekningar:

• Barnalífeyrir vegna náms eða starfsþjálfunar. Hann getur verið greiddur til ungmennis á aldrinum 18-20 ára sem er búsett á Íslandi ef annað foreldri eða báðir eru látnir; ennfremur ef annað foreldri eða báðir eru lífeyrisþegar.
• Framlag vegna menntunar. Samkvæmt barnalögum er hægt að úrskurða meðlagsskylt foreldri til að inna af hendi framlag vegna menntunar til ungmenna á aldrinum 18 til 20 ára.