Lífeyrisréttindi erlendis frá
Í mörgum tilvikum er Tryggingastofnun samskiptastofnun sem annast m.a. móttöku umsókna og almenna milligöngu.
Almannatryggingaákvæði samningsins um evrópska efnahagssvæðið (EES) teljast helsti milliríkjasamningur Íslands á sviði almannatrygginga, ásamt Norðurlandasamningnum um almannatryggingar.
Umsókn um lífeyri til ríkja innan EES
Ríkisborgarar EES-landa sem hafa búið eða starfað í öðru EES-landi geta átt rétt á lífeyrisgreiðslum frá því landi.
Sótt er um hjá Tryggingastofnun á sérstöku eyðublaði sem heitir "Umsókn um lífeyri frá öðru EES-ríki". Starfsmenn Tryggingastofnunar senda því næst út umsóknina til viðkomandi EES ríkis og gilda þau jafnt sem umsókn um greiðslu lífeyris almannatrygginga og um greiðslur úr lífeyrissjóðum.
Einstaklingur sem er búsettur erlendis á að snúa sér til tryggingastofnunar þar þegar hann hyggst sækja um lífeyrisgreiðslur. Viðkomandi stofnun sér um að senda umsóknarblöð til Tryggingastofnunar ríkisins á Íslandi.
Rétt er að benda á að lífeyrisaldur er mismunandi í hinum ýmsu löndum.
Leitið nánari upplýsinga hjá Tryggingastofnun ef með þarf. Netfang erlendra mála á Réttindasviði er eb@tr.is.
Athugið
Greiðslur úr erlendum lífeyrissjóðum hafa áhrif til lækkunar á lífeyrisgreiðslur á sama hátt og greiðslur úr íslenskum lífeyrissjóðum.
Áður en farið er eða flust til annarra landa eru lífeyrisþegar hvattir til að kynna sér hvaða vottorð er nauðsynlegt að hafa með sér en það ræðst af því til hvaða lands er farið og í hvaða tilgangi.
Síða yfirfarin/breytt 25.01.2012