Þátttaka í dvalarkostnaði
Íbúar geta þurft að taka þátt í dvalarkostnaði sínum vegna varanlegrar búsetu á dvalar- eða hjúkrunarheimili. Þátttakan er tekjutengd og er reiknuð út á grundvelli tekjuáætlunar.
Á árinu 2013 gildir að ef mánaðartekjur íbúa eru yfir 70.000 kr. á mánuði, eftir skatta, þá tekur hann þátt í dvalarkostnaði með þeim tekjum sem umfram eru. Greiðsluþátttaka verður þó aldrei hærri en 326.979 kr. á mánuði. Íbúi sem greiðir hámark þátttökugjalds er með tekjur að lágmarki tæplega 400.000 kr. eftir skatt á mánuði. Greiðslur TR til heimila lækka sem þátttöku íbúa nemur. Að meðaltali kostar eitt hjúkrunarrými um 700.000 kr. á mánuði en dvalarrými kostar 326.979 kr. á mánuði.
Aðeins íbúar 67 ára og eldri taka þátt í dvalarkostnaði. Ef íbúi tekur þátt í dvalarkostnaði byrjar hann að greiða frá fyrsta degi næsta mánaðar eftir að búseta hefst. Heimilið sér um að innheimta hlut íbúa í dvalargjaldi.
Uppgjör á þátttöku í dvalarkostnaði
Að lokinni álagningu skattyfirvalda ár hvert er þátttakan gerð upp hjá íbúum í dvalarrýmum. Eru þá bornar saman tekjur á tekjuáætlun sem þátttakan var reiknuð út frá og endanlegar tekjuupplýsingar í skattframtali. Tryggingastofnun gerir þátttökuna upp við heimilin sem sjá svo um að gera upp við íbúa.
Komi í ljós að þátttakan var of lág innheimtir heimilið það sem vantar upp á. Komi hins vegar í ljós að þátttakan var of há endurgreiðir heimilið inneignina.
Útreikningur á þátttöku í dvalarkostnaði árið 2013