Dvalar- og hjúkrunarheimili

Tryggingastofnun greiðir dvalar- og hjúkrunarheimilum daggjöld þegar vistunarmat liggur fyrir og íbúi er fluttur  á viðkomandi heimili.

Daggjöldin eru ákveðin af velferðarráðuneyti hverju sinni og eru þau mishá eftir heimilum.

Vistunarmat

Vistunarmat er faglegt einstaklingsbundið mat á þörfum einstaklinga fyrir varanlegri búsetu á dvalar- eða hjúkrunarheimili. Þegar sótt er um búsetu á hjúkrunarheimili þarf að fylla út umsókn um vistunarmat sem er að finna á heimasíðu landlæknisembættisins, www.landlaeknir.is, og er umsóknin síðan send til vistunarmatsnefndar í því heilbrigðisumdæmi þar sem viðkomandi á lögheimili.

Ef sótt er um varanlega búsetu á dvalarheimili þarf að fylla út umsókn sem hægt er að nálgast á heimasíðu velferðarráðuneytis www.velferdarraduneyti.is og hjá félagsþjónustu sveitarfélaga. Umsóknum um dvalarheimili er skilað til félagsþjónustu sveitarfélagsins þar sem umsækjandi býr.

• Upplýsingar um vistrými fyrir aldraða á Íslandi - hlekkur á vef velferðarráðuneytis
• Reglugerðir um stofnanir aldraðra - hlekkur á vef velferðarráðuneytis