Barnalífeyrir
Ellilífeyrisþegar geta átt rétt á barnalífeyri ef þeir eru með börn undir 18 ára aldri á framfæri eða eru meðlagsskyld með börnum sínum.
Annað hvort foreldri barnsins eða barnið sjálft verður að hafa búið hér á landi í að minnsta kosti þrjú síðustu árin áður en umsókn er lögð fram.
Barnalífeyrir greiðist foreldrum barnanna ef þau eru á framfæri þeirra, eða þeim öðrum er annast framfærslu þeirra að fullu.
- Séu báðir foreldrar lífeyrisþegar eða látnir skal greiddur tvöfaldur barnalífeyrir.
- Sömu réttarstöðu hafa stjúpbörn og kjörbörn þegar eins stendur á. Þó skal ekki greiddur barnalífeyrir vegna fráfalls eða örorku stjúpforeldris ef barnið á framfærsluskylt foreldri á lífi.
- Ekki er greiddur barnalífeyrir vegna þeirra barna er njóta örorkulífeyris.
- Barnalífeyrir er ekki tekjutengdur.
- Barnalífeyrir fellur niður ef ellilífeyrir fellur niður vegna tekna.
Ef lífeyrisþegi er meðlagsskyldur þá skuldajafnast barnalífeyrir á móti meðlagsgreiðslu.
Hvernig er sótt um barnalífeyri?
Ellillífeyrisþegar sem sækja vilja um barnalífeyri gera það á eyðublaðinu Umsókn um ellilífeyri og tengdar greiðslur. Einnig má nálgast það í þjónustumiðstöð Tryggingastofnunar að Laugavegi 114, 105 Reykjavík, í umboðum utan Reykjavíkur og hér á vefnum.
Síða yfirfarin/breytt 14.09.2012
- Greiðslur vegna ungmenna 18-20 ára